Աստղագուշակ․ մայիսի 17
| |
| Բաժին: Այսօրվա | Դիտումներ: 2587 | 17:00 | |
ԽՈՅ (Aries, 21.III–20.IV) Գործերը, որոնցով այսօր պիտի զբաղվեք, լուրջ մոտեցում են պահանջելու: Չարժե հույս դնել հեշտ հաջողությունների և արագ հաղթանակների վրա: Ամենայն հավանականությամբ, պետք եղած արդյունքն ստանալու համար պիտի ջանքեր գործադրեք, այնպես որ՝ համբերությամբ զինվեք: Որոշ Խոյերի համար օգտակար կլինեն շրջապատողների խորհուրդները: Օրվա երկրորդ կեսը կուրախացնի լավ նորություններով: Հնարավոր են անսպասելի այցեր, որոնց համար շատ ուրախ կլինեք: Չի բացառվում՝ մարդը, որի հետ բաժանման համար զղջում էիք, ուզենա վերականգնել հարաբերությունները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Օրվա առաջին կեսին հնարավոր են լարված պահեր: Դա լավագույն ժամանակը չէ շփումների տեսանկյունից. հաճախ շրջապատողների հետ տարաձայնություններ կառաջանան: Բայց դրական միտումների ազդեցությունը արագ կուժեղանա, այնպես որ՝ շատ անհանգստանալու կարիք չկա: Օրվա երկրորդ կեսը նոր հնարավորություններ կբացի, շանս կտա լուծել նախկինում չափազանց բարդ թվացող առաջադրանքները: Չի բացառվում՝ առաջարկներ ստանաք, որոնք մերժել չեք ուզենա: Հավանական են շահավետ գործարքներ: Որոշ Ցուլեր կգտնեն եկամուտները մեծացնելու ձևը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Օրվա սկզբին շրջապատողների հետ լեզու գտնելը բարդ կլինի: Հաճախ դուք չեք հասկանա, թե ինչով են նրանք ղեկավարվում, ինչու են ընդունում այս կամ այն որոշումը: Կարևոր կլինի լուրջ կոնֆլիկտից խուսափելը, պրովոկացիաներին չտրվելը: Ժամանակի ընթացքում ամեն ինչ կպարզվի, հույզերը կլիցքաթափվեն, իսկ դուք ինչ-որ պիտանի ինֆորմացիա կստանաք: Օրվա երկրորդ կեսը հնարավորություն կտա հաջողության հասնել աշխատանքի մեջ: Դուք հրաշալի գլուխ կհանեք շատ ու շատ գործերից, արագ կհասնեք դրված նպատակներին: Հնարավոր են դրամական մուտքեր, այդ թվում՝ անսպասելի աղբյուրներից: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Ամեն ինչ լավ կդասավորվի, բայց դուք ավելին կուզենաք: Շատ Խեցգետինների համար օրը կապված կլինի ծրագրերում փոփոխությունների, նոր նպատակներ հայտնվելու հետ: Դուք դժվարություններից չեք վախենա, մտածածից չեք հրաժարվի, նույնիսկ եթե հասկանաք, որ ճանապարհին կարող են խոչընդոտներ առաջ գալ: Դա շրջապատողներին շատ դուր կգա: Օրը բարենպաստ կլինի շփումների տեսանկյունից: Դուք հրաշալի լեզու կգտնեք ամենատարբեր մարդկանց հետ, շատերին մոտեցում կգտնեք: Մի վախեցեք փորձարկումներ անելուց, ձեր ձևով գործելուց, այլ ոչ թե ուրիշներին հետևելուց: Ձեր շատ փորձարկումներ հաջող կլինեն: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Անհանգստանալու բան չկա, ձեզ մոտ շատ բան լավ կստացվի: Օրը բարենպաստ է շփումների տեսանկյունից, դուք հեշտությամբ օգնականներ ու համախոհներ կգտնեք: Որոշ Առյուծներ այսօր կծանոթանան մարդկանց հետ, որոնց հետ երկար ժամանակ ընկերություն կանեն կամ գործնական հարաբերություններ կպահպանեն: Հնարավոր են լավ նորություններ՝ կապված ընտանիքի անդամների կամ մյուս մտերիմների հետ: Դրական միտումների ազդեցությունը նկատելի կլինի ռոմանտիկ հարաբերություններում: Օրը հարմար է նախաձեռնող լինելու, զգացմունքները խոստովանելու, սիրելի մարդուն ուշադրության նշաններով և անակնկալներով ուրախացնելու համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Օրվա սկզբին լավ է ոչ մի կարևոր բան չձեռնարկեք: Եթե կարևոր քայլերի կարիք կլինի, զգույշ գործեք, աշխատեք խուսափել չարդարացված շտապողականությունից ու ավելորդ խառնաշփոթից: Հնարավոր են փոքրիկ թյուրիմացություններ, որոնք տհաճ հետևանքներ կունենան, եթե ժամանակին ամեն ինչ չպարզեք: Օրվա երկրորդ կեսը ավելի հաջող կդասավորվի ու հարմար է նոր նախաձեռնությունների համար: Դա հրաշալի գաղափարների ժամանակ կլինի, որոնց իրագործումը հասարակ կլինի և մեծ ջանքեր չի պահանջի: Կարող եք անհապաղ անցնել մտածածի իրագործմանը, և դա ձեզ կուրախացնի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Հանգիստ ու հաճելի օր է, չնայած՝ ոչ այնքան արդյունավետ: Այն հարմար է կարգուկանոն հաստատելու, ավելի վաղ սկսած գործերն ավարտելու համար: Նշանի շատ ներկայացուցիչների կհաջողվի ազատվել նրանից, ինչը խանգարում էր առաջ շարժվել, մի կողմ վանել խոչընդոտներն իրենց ճանապարհից: Հնարավոր են դրամական մուտքեր: Դրանք հազիվ թե նշանակալի լինեն, բայց թույլ կտան չծրագրված հաճելի գնումներ անել: Օրվա երկրորդ կեսի համար կարող եք հանդիպումներ ծրագրել, որոնք լավ կանցնեն ու կբարձրացնեն բոլորի տրամադրությունը: Դուք առանց դժվարության կշահեք շատ ծանոթների համակրանքը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Լավ է ոչ մի կարևոր բան չնախաձեռնեք, ծայրահեղ դեպքում՝ միայնակ: Սա բավական հոգնեցնող օր կլինի նշանի շատ ներկայացուցիչների համար: Ծրագրված գործերին կավելանան նորերը, ստիպված եք լինելու լուծել անսպասելի առաջ եկած խնդիրները: Հին համախոհները պատրաստ կլինեն աջակցել ձեզ, իսկ ահա նորերի հետ արժե զգոն լինել. նրանք միշտ չէ, որ թվացածի նման բարյացակամ տրամադրված կլինեն: Տանը հոգսեր սովորականից շատ կլինեն: Մտերիմներն օգնության կարիք կունենան, դուք կաշխատեք խնդրանքներին մերժումով չպատասխանել: Օրվա երկրորդ կեսին լավ է խուսափեք ծանրաբեռնվածությունից: Հանգիստը ձեզ օգտակար կլինի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։ ԱՂԵՂՆԱՎՈՐ (Sagittarius, 23.XI–21.XII) Օրվա առաջին կեսը բավական անհանգիստ կանցնի: Ճանապարհին երբեմն խոչընդոտներ կառաջանան, դրանք հաղթահարելու համար ստիպված եք լինելու հնարամտություն դրսևորել: Նշանի որոշ ներկայացուցիչներ պիտի վերադառնան այն գործերին, որոնք բարեհաջող ավարտված էին համարում: Համառ եղեք և երեկոյան կհասնեք նրան, ինչին վաղուց էիք ձգտում: Հնարավոր են նշանակալի ֆինանսական կորուստներ: Գնումների հարցում լավ է չշտապեք, քանի որ լավ իրեր ընտրելը սովորականից դժվար կլինի: Բացառություն կլինի այն, ինչ ձեռք կբերեք ուրիշների համար: Մտերիմների համար լավ նվերներ գտնելը դժվար չի լինի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Այսօր բազում լավ գաղափարներ կունենաք: Միակ տհաճությունն այն կլինի, որ դրանք միանգամից կյանքի կոչել չի ստացվի: Մտահղացումները հետաձգել չեք ուզենա, բայց ընտրություն չի լինի, այնպես որ՝ համբերությամբ զինվեք: Կարող եք գլուխ հանել կուտակված մանր-մունր գործերից, զբաղվել նրանով, ինչի համար ժամանակ չէր մնում: Կուրախացնեն հին ու նոր ծանոթների հետ շփումները: Մարդիկ, որոնք նախկինում թերագնահատում էին ձեզ, կհասկանան, որ սխալվել են: Չի բացառվում՝ նոր համախոհներ ձեռք բերեք: Ժամանակի ընթացքում նրանք ձեր իսկական ընկերները կդառնան: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Լավագույն օրը չէ նոր գործեր ստանձնելու համար: Իրավիճակը ճիշտ գնահատելը դժվար կլինի, չեք հասկանա՝ ինչպես գործել: Որոշ Ջրհոսներ նաև սեփական պատրանքների գերին կդառնան: Փոխարենը հնարավորություն կունենաք ավարտել այն, ինչին արդեն մեծ ուժեր եք տվել: Պատասխաններ կգտնվեն կարևոր հարցերին, դուք ձեզ ավելի ինքնավստահ և ազատ կզգաք: Օրը լավն է ձեզ համար թանկ մարդկանց հետ շփվելու համար: Նույնիսկ եթե վերջին ժամանակներս հաշտ չէիք, այսօր կկարողանաք ամեն ինչի մասին պայմանավորվել՝ խուսափելով երկար վեճերից: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Օրվա սկզբին հնարավոր են տհաճ պահեր: Որոշ Ձկների համար բարդ կլինի սեփական զգացմունքներից գլուխ հանելը, մյուսներն էլ չեն հասկանա նույնիսկ ամենամտերիմ մարդկանց: Երբեմն լարված իրավիճակներ կառաջանան, և սովորական նրբանկատությունը ձեզ կարող է դավաճանել: Աշխատեք ամեն դեպքում ավելորդ բաներ չխոսել: Լավ է հարթել սուր անկյուններն ու կոնֆլիկտ թույլ չտալ: Օրվա երկրորդ կեսն ավելի հանգիստ և արդյունավետ կանցնի: Այն բարենպաստ կլինի ստեղծագործելու, ուսման, հնարամտություն և երևակայություն պահանջող զբաղմունքների համար: Օգտվեք սովորական գործերը որոշ ժամանակով հետաձգելու և լրիվ նոր բանի անցնելու հնարավորությունից: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: |
|
