Աստղագուշակ․ հուլիսի 23
| |
| Բաժին: Այսօրվա | Դիտումներ: 2431 | 17:00 | |
ԽՈՅ (Aries, 21.III–20.IV) Մի հուզվեք: Սա ամենաթեթև օրը չի լինելու, բայց այն լուրջ խնդիրներ էլ չի բերի, եթե ինքներդ դրանք չստեղծեք ձեզ համար: Առավոտյան հնարավոր են ոչ մեծ տարաձայնություններ տանն ու աշխատավայրում: Հաճախ խոսքը դատարկ բաների մասին կլինի, այնպես որ՝ լավ է չտաքանաք, այլ աշխատեք բոլոր սուր անկյունները հարթել: Դրական միտումների ազդեցությունն աստիճանաբար կուժեղանա: Օրվա երկրորդ կեսը հնարավորություն կտա զբաղվել հետաքրքիր գործերով, որոնց համար առաջ ժամանակ չէր մնում: Որոշ Խոյեր կկարողանան հանդիպել հին ընկերներին, մտերիմների համար էլ ընտանեկան տոն կազմակերպել: Չեն բացառվում սիրային անակնկալները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Հրաշալի, վառ ու հագեցած օր է: Բազում լավ գաղափարներ կունենաք, որոնց թվում կլինեն այնպիսիք, որոնք կարող եք անհապաղ կյանքի կոչել: Հաջող զուգադիպությունները ձեզ հետաքրքիր մտքեր կտան, իսկ հեռվից նորությունները կոգեշնչեն: Հավանական են գրավիչ առաջարկներ՝ կապված աշխատանքի, համագործակցության, ստեղծագործ նախաձեռնություններին մասնակցության հետ: Ներդաշնակ կդասավորվեն անձնական հարաբերությունները: Դուք հաճախ կես խոսքից կհասկանաք մտերիմներին ու բաց չեք թողնի նրանց ինչ-որ բանով ուրախացնելու հնարավորությունը: Երեկոն հարմար է սիրելիի հետ հանդիպելու համար. դուք միասին հրաշալի ժամանակ կանցկացնեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Անհանգիստ օր է: Դուք շատ բան պիտի անեք, և ամեն անգամ հասկանալի չի լինի, թե ինչն է պետք ստանձնել առաջին հերթին: Այստեղ կարող եք հույս դնել ինտուիցիայի վրա, որի հուշումները ճիշտ կլինեն: Շատ հարցերում հաճույքով կօգնեն հին ընկերները: Նրանց վրա կարող եք հույս դնել, իսկ ահա նոր ծանոթների հետ արժե զգոն լինել: Աշխատեք ուշադիր լինել ֆինանսական հարցերը լուծելիս: Գումարի նկատմամբ թեթևամիտ վերաբերմունքը կարող է տհաճություններով ավարտվել: Օրվա երկրորդ կեսը հարմար է տնային գործերի համար: Կարգուկանոն հաստատեք, ազատվեք անպիտան բաներից, նորոգեք այն, ինչ փչացել է: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Տարաձայնություններից ու վեճերից ամբողջությամբ խուսափել չի ստացվի: Դուք կաշխատեք ձեր տեսակետը առավելագույնս նրբանկատ հայտնել, բայց նույնիսկ դա բավական չի լինի ամենազգայուն ու խոցելի մարդկանց չվիրավորելու համար: Հնարավորինս խուսափեք երկիմաստ կատակներից, աշխատեք առավելագույնս պարզ արտահայտվել: Օրը շատ արդյունավետ կլինի: Դուք օգտակար բաներ կանեք ոչ միայն ձեր, այլև ուրիշների համար: Հնարավոր են անսովոր ծանոթություններ ու հանդիպումներ, որոնցից հետո նոր մասնագիտական ծրագրեր կսկսեք կառուցել: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Կարող եք նոր բան սկսել, բայց պետք է զգույշ գործեք: Շտապողական որոշումներ մի ընդունեք, հատկապես եթե դրանք կապված են աշխատանքի կամ բիզնեսի հետ: Այստեղ արժե ավելի շատ ինֆորմացիա հավաքել, ամեն ինչ ինչպես հարկն է մտածել: Այդպես սխալների հավանականությունը ավելի քիչ կլինի: Օրը բարենպաստ կլինի շփումների համար: Ձեզ հաճախ կես խոսքից կհասկանան և՛ հին, և՛ նոր ծանոթները: Դուք կգտնեք վերջին շրջանում լարված հարաբերությունները դեպի լավը փոխելու ձևը: Երեկոյի համար կարևոր ու հոգնեցնող ոչ մի բան լավ է չծրագրեք: Հանգիստը ձեզ չի խանգարի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Հրաշալի, ոգեշնչող ու հետաքրքիր օր է: Այն հարմար է նոր բան ստանձնելու համար: Սկզբում հեշտ չի լինի, բայց դուք բոլոր փորձություններից գլուխ կհանեք, արագ կհասկանաք՝ ինչպես հասնել անհրաժեշտ արդյունքին: Հավանական են պիտանի ծանոթություններ: Որոշ Կույսեր այսօր կհանդիպեն մարդկանց, որոնց հետ մոտակա տարիներին միասին կաշխատեն: Բարենպաստ օր է անձնական հարաբերությունների տեսանկյունից: Կարող եք վերջ տալ երկարատև ընտանեկան տարաձայնություններին, հաշտվել այն մարդկանց հետ, որոնց հետ վիճել էիք: Դուք անպայման կգտնեք մտերիմներին ուրախացնելու ձևը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Հագեցած և արդյունավետ օր է: Դուք պատրաստ կլինեք ջանքեր գործադրել ձեր ուզածին հասնելու համար, իսկ հնարամտությունը հրաշալի պտուղներ կտա: Ձեզ կհաջողվի այն, ինչ մյուսների մոտ չի ստացվել: Շրջապատողները դրան ուշադրություն կդարձնեն, շատերը կխոստովանեն, որ նախկինում թերագնահատել են ձեզ: Լավ կանցնեն ուղևորությունները, այդ թվում՝ չծրագրվածները: Հավանական են անսպասելի, բայց շատ հաճելի հանդիպումներ: Որոշ Կշեռքներ այսօր պատահաբար կհանդիպեն մարդկանց, որոնց հասցրել էին կարոտել: Հնարավոր են անսպասելի սիրային խոստովանություններ: Դուք ուրախ կլինեք դրանց համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Բարենպաստ օր է շփումների համար: Դուք հմայիչ կլինեք, շատերի վրա լավ տպավորություն կթողնեք, իսկ դա հաճախ կօգնի գործերում: Ձեզ կհաջողվի խուսափել աշխատանքային կոնֆլիկտներից, ղեկավարության և գործընկերների հետ վեճերից: Դուք հրաշալի գլուխ կհանեք բարդ գործերից, հաճախ կդիմեք ուրիշի փորձին, և այն օգտակար կլինի: Օրվա երկրորդ կեսը հարմար կլինի ապագայի ծրագրեր կառուցելու և դրանք մտերիմների հետ քննարկելու համար: Կարող եք այնպիսի բաների մասին պայմանավորվել, որոնց պատճառով նախկինում տարաձայնություններ են եղել: Հավանական են անսպասելի նվերներ, հաճելի անակնկալներ: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Մի շտապեք: Սա այն օրերից չէ, երբ կարելի է արագ հասնել նպատակին: Ամենայն հավանականությամբ հակառակը կլինի, դուք ստիպված եք լինելու երկար աշխատել, որպեսզի հասնեք անհրաժեշտ արդյունքներին: Երբեմն իրադարձությունների չափազանց դանդաղ զարգացումը ձեզ կնյարդայնացնի: Բայց աշխատեք հույզերին չտրվել: Լավ մտածված արարքները կարող են իրավիճակը դեպի լավը փոխել: Հնարավոր են անսպասելի իրադարձություններ տանը: Դրանք ձեզ կուրախացնեն, բայց կստիպեն փոխել ծրագրերը: Որոշ Աղեղնավորներ հին ծանոթներից լուրեր կստանան և շատ ուրախ կլինեն դրանց համար: Հավանական են ոչ մեծ դրամական մուտքեր: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Գնումների ու գործարքների հարցում մի շտապեք: Հիմա դուք հակված կլինեք թեթևամտության այնտեղ, որտեղ խոսք կգնա ֆինանսների մասին. դրա պատճառով հնարավոր են ցավալի կորուստներ: Մնացած հարցերում օրը վատը չի լինի: Այն հաջողություններ է խոստանում աշխատանքի մեջ և հնարավորություն կտա ավարտին հասցնել այն գործը, որին մեծ ուժեր եք նվիրել: Ուսումը հեշտությամբ կտրվի, դուք շատ բան ոտքի վրա կմտապահեք: Բաց մի թողեք անսովոր ու հետաքրքիր վայրում լինելու հնարավորությունը: Նոր տպավորությունները հաճելի կլինեն, որոշ Այծեղջյուրներ ոգեշնչվածության նոր աղբյուր կգտնեն: Չեն բացառվում ծանոթությունները, որոնք կարևոր դեր կխաղան ձեր կյանքում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Հետաքրքիր օր է: Այն հրաշալի է նոր բան ստանձնելու համար: Դուք միանգամից կտարվեք նրանով, ինչի մասին նախկինում պատկերացում չունեիք, արագ կսովորեք, շատ բան ոտքի վրա կյուրացնեք: Նոր գործերը նոր ծանոթությունների կհանգեցնեն, դրանցից մեկն էլ կարող է ընկերական կամ ռոմանտիկ հարաբերությունների սկիզբ դնել: Տանը հոգսեր սովորականից շատ կլինեն: Չեն բացառվում անսպասելի ծախսերը: Դրանք կարող են կապված լինել, օրինակ, հին կենցաղային տեխնիկայի վերանորոգման կամ նորը գնելու հետ: Ձեզ դուր կգա տունը կահավորելը: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Բարենպաստ, հագեցած ու հետաքրքիր օր է: Այն հարմար է հին ծանոթների հետ հանդիպելու համար: Զրույցի բազում հետաքրքիր թեմաներ կգտնվեն, դուք հրաշալի ժամանակ կանցկացնեք: Նախկինում բացառապես ֆորմալ բնույթ կրող հարաբերությունները ավելի անբռնազբոս կդառնան: Հավանական են հաջողություններ բարդ գործերում: Ձեզ կհաջողվի գլուխ հանել ոչ միանշանակ իրավիճակներից, ելք գտնել բարդ դրությունից: Իսկ ահա այնտեղ, որտեղ առաջին հայացքից ամեն ինչ հասարակ է թվում, հաճախ կշեղվեք, երբեմն սխալներ կանեք: Ցանկացած գնում արժե ծրագրել օրվա երկրորդ կեսի համար: Այդ հատվածում ճիշտ ընտրություն կատարելը հեշտ կլինի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
