Աստղագուշակ․ հոկտեմբերի 12
| |
| Բաժին: Այսօրվա | Դիտումներ: 2644 | 17:00 | |
ԽՈՅ (Aries, 21.III–20.IV) Դրված նպատակներին հասնելու համար դուք ամեն ինչի ունակ կլինեք, և նման տրամադրվածությունը հաճախ ավելի կնպաստի հաջողությանը, քան մեկ ուրիշ բան: Ձեր հսկա կենսական էներգիան մագնիսի նման դեպի ձեզ կձգի մարդկանց, ինչ-որ մեկը կփորձի քաշել ձեր էներգիան, ինչ-որ մեկն էլ պարզապես պատրաստ կլինի միանալ ձեր բոլոր նախաձեռնություններին, քանի որ վստահ կլինի՝ դրանք հաջող են լինելու: Դուք լավ գլուխ կհանեք մասնագիտական գործունեությանը, կարիերային ու ֆինանսներին վերաբերող ցանկացած հարցից: Նոր աշխատանքային ծրագրեր կունենաք, այդ թվում՝ այնպիսիք, որոնց մեծ ոգևորությամբ կանցնեք: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Իրադարձությունները սպասվածի նման չեն զարգանա, իսկ սովորական իրավիճակին արժե անսպասելի կողմից նայել: Բայց բանը միայն դա չէ: Պակաս կարևոր չի լինի այն, որ դուք կհրաժարվեք փորձված մեթոդներից, հաճույքով ռիսկի կդիմեք, փորձարկումներ կանեք ու նորը կփորձեք: Դա հաճախ կօգնի արդյունքների հասնել, որոնց մասին նախկինում միայն երազել կարող էիք: Ներդաշնակ ու հարթ կդասավորվեն ընտանեկան և ընկերական հարաբերությունները, դուք մտերիմներին լավ կհասկանաք, հեշտությամբ կկռահեք նրանց ցանկությունները: Օրվա երկրորդ կեսը հրաշալի է ապագայի ընդհանուր ծրագրերը քննարկելու համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Համառ և ուշադիր եղեք: Այդ որակները պետք են առանց սխալվելու նպատակին հասնելու համար: Շփումներն օգուտ կտան, ինչքան շատ ժամանակ անցկացնեք մարդկանց մեջ, այնքան լավ կզգաք ձեզ: Բայց կարևոր կլինի ճիշտ ընկերախումբ ընտրելը: Հեռու մնացեք նրանցից, որոնք սիրում են շուրջը բոլորի տրամադրությունը փչացնել: Օրվա երկրորդ կեսը հարմար է լուրջ ու անկեղծ զրույցների համար: Դուք մտերիմների հետ կարող եք կիսվել ամենով, ինչ ձեզ անհանգստացնում է և չկասկածել, որ լրիվ աջակցության ու հասկացողության կհանդիպեք: Չեն բացառվում անսպասելի նվերները, հաճելի անակնկալները: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Լուրջ տրամադրվեք: Հնարավորություն կունենաք հաջողության հասնել գործնական ոլորտում, գիտելիքներ ու հմտություններ ստանալ, որոնք պետք կգան աշխատանքի մեջ, ինչպես նաև պիտանի կապեր ձեռք բերել: Ձեզանից պահանջվում է հետևողական գործել, զիջումների գնալ միայն այն դեպքում, եթե դա իսկապես անհրաժեշտ է: Կարող եք օրը հաճելի անցկացնել՝ այն նվիրելով մտերիմների հետ շփմանը: Դուք կհասկանաք՝ ինչպես հարթել հարաբերությունները, վերջ տալ տարաձայնություններին: Կհաջողվի հանգիստ ու կառուցողական քննարկել այն հարցերը, որոնց պատճառով նախկինում վեճեր են եղել: Այս անգամ դուք լուծում կգտնեք, որը բոլորին կգոհացնի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Հաճելի անակնկալների, անսպասելի նվերների ու բարի լուրերի օր է: Դուք հրաշալի կկողմնորոշվեք նոր իրավիճակում, անկախ ամեն ինչից ճիշտ որոշումներ կընդունեք, հոգ կտանեք մտերիմների մասին ու կաշխատեք պահել բոլոր խոստումները: Հրաշալի օր է նոր սիրային պատմություն սկսելու համար, որի համար սկզբնակետ կարող են դառնալ ընդհանուր գործնական հետաքրքրությունները կամ նախասիրությունները: Նոր հարաբերությունները արագ կզարգանան ու դրական հույզեր կպարգևեն: Զգույշ է պետք լինել ֆինանսական հարցերը լուծելիս: Ձեզ հատուկ կլինի թեթևամտությունը, որը զուր ծախսերի կհանգեցնի: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Հազիվ թե մի այնպիսի բան տեղի ունենա, որը կարող է փչացնել ձեր տրամադրությունը, իսկ ահա ուրախության առիթներ շատ կլինեն: Հնարավոր են անսպասելի հանդիպումներ անսովոր, նույնիսկ՝ նշանավոր մարդկանց հետ, որոնցից մեկը ձեզ մոտ կարիերայի զարգացման նոր ուղղություն վերցնելու մասին մտքեր կտա: Օգտակար կլինեն ավագ հարազատների հետ շփումները: Կարող եք քննարկել ընտանեկան գործերը՝ առանց վախենալու, որ դա տարաձայնությունների ու վեճերի կհանգեցնի: Չեն բացառվում անսպասելի առաջարկները, որոնցից հրաժարվելու ցանկություն չեք ունենա: Լավ օր է նոր բան փորձելու, կյանքն ավելի բազմազան դարձնելու համար: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Հարմար օր է կյանքի բոլոր ոլորտներում նախաձեռնող լինելու համար: Սկսել պետք է աշխատանքից. կոլեգաներն ու ղեկավարությունը ձեր գաղափարների պակասը կզգան: Հաջող կլինեն գործնական բանակցությունները, այդ թվում՝ այնպիսիք, որոնցից ոչ մի լավ բան չէիք սպասում: Մարդիկ, որոնց հետ նախկինում չէր ստացվում լեզու գտնել, իրենք կփորձեն ձեզ հետ ընդհանուր լեզու գտնել: Հնարավոր են դրական փոփոխություններ անձնական հարաբերություններում: Լավ օր է դեպի ձեզ համակրելի մարդը քայլ անելու համար: Կարող եք կիսվել ապրումներով, պատմել ձեր զգացմունքների մասին՝ առանց վախենալու, որ ձեզ սխալ կհասկանան: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Հաջող օր է հանդիպումների ու բանակցությունների համար: Նոր ծանոթների վրա բարենպաստ տպավորություն կթողնեք, իսկ նրանց հետ, որոնց լավ եք ճանաչում, հրաշալի լեզու կգտնեք: Հնարավորություն կունենաք համախոհներ գտնել այն մարդկանց շրջանում, որոնք մինչև վերջերս ձեր թշնամիներին էին աջակցում: Սակայն նման անձանց վստահելուց առաջ ավելի ուշադիր դիտեք նրանց: Հնարավոր են հաճելի սիրային անակնկալներ. հաճոյախոսությունների և ուշադրության պակաս չի լինի: Դուք ցանկացածին կկարողանաք հմայել, բայց ինքներդ գլուխներդ չեք կորցնի: Վատ օր չէ սիրային պատմություն սկսելու համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Կարևոր և օգտակար գործերի օր է: Ձեր շատ արարքներ շրջապատողների համար բարության, առատաձեռնության օրինակ կլինեն: Դուք բարեհամբույր կլինեք, շփման ժամանակ էլ անկեղծ ու բաց, բայց դա ձեզ թշնամիների ու նախանձողների առաջ անօգնական չի դարձնի: Նման վտանգ զգալով՝ դուք միանգամից կկենտրոնանաք ու կպատրաստվեք հակահարձակման, այնպես որ՝ թշնամիները լավ կանեն ձեզանից հեռու մնան: Օրը հարմար է նոր բան ստանձնելու համար: Ձեր բոլոր նախաձեռնությունները չէ, որ դուր կգան շրջապատողներին, բայց հոգ չէ: Քննադատները կփոխեն իրենց կարծիքը, երբ հասնեք առաջին հաջողություններին: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Դուք վաղուց էի մտորում ինչ-որ կարևոր հարցի շուրջ, և այսօր տեղեկատվություն կստանաք, որն անհրաժեշտ կլինի այն լուծելու համար: Մի կողմ վանեք կասկածներն ու վախերը. ինտուիցիան հստակ հուշումներ կանի, և դրանցով ղեկավարվելով, դուք ճիշտ կգործեք: Օրը հարմար է կարևոր գործարքներ կնքելու, ինչպես նաև լուրջ գնումների համար, օրինակ՝ կարող եք անշարժ գույք ձեռք բերել: Չեն բացառվում լարված պահերը մտերիմների հետ շփվելիս: Նախկինում ներդաշնակ ու հեշտ դասավորվող հարաբերություններում խնդիրներ կառաջանան: Ամեն ինչից կարող եք գլուխ հանել, բայց դա համբերատարություն և ինքնատիրապետում կպահանջի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Օրվա սկզբին պատրանքներ մի կառուցեք: Այդ հատվածում դժվարությամբ կգնահատեք իրերի իրական վիճակը, այնպես որ՝ սխալների հավանականությունը կաճի: Ինչ-որ մեկը կարող է ձեզ մոլորության մեջ գցել. վստահեք միայն նրանց, որոնց լավ եք ճանաչում: Գործերի վրա կենտրոնանալը բարդ է. դուք չափազանց շատ կմտորեք այն իրադարձությունների մասին, որոնց վրա չեք կարող ազդել: Օրվա երկրորդ կեսը կուրախացնի հաճելի անակնկալներով: Չի բացառվում՝ հին ծրագիրն իրագործելու համար բարենպաստ պայմաններ ստեղծվեն: Այստեղ կարևոր կլինի խուճապի չմատնվելն ու ժամանակին գործելը: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Շատ խնդիրներ կհաջողվի լուծել պարզապես նրա շնորհիվ, որ խուճապի չեք մատնվի, երբ դրանք առաջ գան, կպահպանեք լավատեսությունը, նույնիսկ եթե ինչ-որ բան ուզածի նման չընթանա: Վառ կարտահայտվեն առաջատարի հատկանիշները. դա կնկատեն ազդեցիկ անձինք, դուք մասնագիտական սանդուղքով բարձրանալու իրական հնարավորություն կունենաք: Կուրախացնեն մտերիմների հետ շփումները, որոնք կհասկանան ու կաջակցեն ձեզ, հաճույքով կօգնեն, եթե դրա անհրաժեշտությունը լինի, կգտնեն ձեզ ուրախացնելու ձևը: Երեկոն սիրային պահերով լի կլինի. սիրահարվածներին դրական հույզեր են սպասվում: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: |
|
