Աստղագուշակ․ դեկտեմբերի 10
| |
| Բաժին: Այսօրվա | Դիտումներ: 2491 | 17:00 | |
ԽՈՅ (Aries, 21.III–20.IV) Օրվա առաջին կեսը բավական բարդ կլինի հատկապես նրանց համար, ովքեր այդ հատվածում գործնական հանդիպումների կգնան կամ կքննարկեն կարևոր հարցերը: Հաճախ տարաձայնություններ կառաջանան, և ձեզ ճիշտ պահելու համար մեծ ինքնատիրապետում կպահանջվի: Բայց ժամանակի ընթացքում դրական միտումների ազդեցությունը կուժեղանա: Օրվա երկրորդ կեսը կուրախացնի լավ նորություններով ու նոր հնարավորություններով: Ապագայի ծրագրեր կհայտնվեն, պարզ կդառնա, թե հետո ինչ և ինչպես է պետք անել: Հավանական են հաճելի իրադարձություններ ընտանիքում: Կուրախացնեն ընկերների ու հարազատների հետ շփումները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՑՈՒԼ (Taurus, 21.IV–21.V) Հաջող, բարենպաստ օր է: Դուք շատ օգտակար բաներ կհասցնեք անել և՛ ձեր, և՛ շրջապատողների համար: Հնարավոր են հաճելի անակնկալներ աշխատավայրում, լուրեր, որոնց համար ուրախ կլինեք: Չեն բացառվում համագործակցության հետաքրքիր առաջարկները: Նշանի որոշ ներկայացուցիչներ կկարողանան զբաղվել հենց նրանով, ինչը վաղուց նրանց գրավիչ ու հեռանկարային էր թվում: Հավանական են ծանոթություններ, որոնք ընկերական կամ սիրային հարաբերությունների սկիզբ կդնեն. այստեղ ամեն ինչ կախված կլինի նախաձեռնող լինելու ձեր ցանկությունից ու պատրաստակամությունից: Լսեք ինտուիցիայի ձայնին. նրա հուշումները ճշգրիտ կլինեն: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Հրաշալի գաղափարներ կունենաք, որոնք կկարողանաք անհապաղ կյանքի կոչել: Հնարավոր են կարևոր բացահայտումներ, նշանի որոշ ներկայացուցիչներ արժեքավոր տեղեկատվություն կստանան և դրա շնորհիվ կկարողանան խուսափել սխալներից ու կորուստներից: Հավանական են հետաքրքիր ծանոթություններ, հուսալի համախոհներ գտնելու շանս կա: Օրը հարմար է ընտանիքի անդամների հետ շփվելու համար, կկարողանաք լուծել այն խնդիրները, որոնց պատճառով նախկինում վեճեր են եղել: Դուք մանրուքների հանդեպ ուշադիր կլինեք և հենց դրա շնորհիվ էլ ինքներդ սխալներ չեք անի, մյուսներին էլ կօգնեք խուսափել դրանցից: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԽԵՑԳԵՏԻՆ (Cancer, 22.VI–22.VII) Օրվա առաջին կեսը բարդ է լինելու: Այն ապրումներ ու տագնապներ կբերի, որոնք հաճախ պատճառ չեն ունենա, ինչպես նաև լրիվ նոր գործեր ու խնդիրներ, որոնք լուծում կպահանջեն: Այդ հատվածում լավ է ավելորդ բաներ չխոսեք, ապագայի ծրագրերն ու գաղափաները չքննարկեք: Զգուշացեք, եթե ինչ-որ մեկը համառորեն փորձում է հարցաքննել ձեզ, ինֆորմացիա քաշել ձեզանից: Ավելի ուշ բարենպաստ շրջան կգա, որը հարմար կլինի ամենատարբեր մարդկանց հետ շփվելու համար: Դուք հաճելիորեն կզարմացնեք շատերին, լավ տպավորություն կթողնեք նոր ծանոթների վրա: Հրաշալի գաղափարներ կունենաք, որոնք մոտ ժամանակներս կյանքի կկոչեք: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Վատ օր չէ, սակայն ձեզ համար դժվար կլինի իրադարձությունները ճիշտ գնահատելը: Կարևոր կլինի պատրանքներ չկառուցելը, իրավիճակն իրատեսորեն գնահատելը: Եթե խնդիրներ ու դժվարություններ ծագեն, աշխատեք դրանք քննարկել մարդկանց հետ, որոնց վստահում եք. լսեք մեծերի խորհուրդները: Երբեմն կողքից հայացքն օգտակար կլինի: Բարենպաստ օր է ուսման համար. օգտակար տեղեկատվություն արագ կգտնեք, հեշտությամբ կմտապահեք ու բացառապես ճիշտ եզրահանգումներ կանեք: Նշանի շատ ներկայացուցիչների այսօր պետք կգա այն, ինչ նրանք ավելի շուտ են իմացել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5: ԿՈՒՅՍ (Virgo, 24.VIII–23.IX) Բարենպաստ, հետաքրքիր ու արդյունավետ օր է: Շատ խնդիրներ արագ կլուծվեն, այդ թվում՝ այնպիսիք, որոնց վրա մեկ ամիս չէ, որ գլուխ եք կոտրել: Շրջապատողների համար ինչ-որ օգտակար բան անելու, բարդ իրավիճակում հայտնված մարդկանց օգնելու հնարավորություն կունենաք: Հնարավոր են դրամական մուտքեր ու նվերներ: Կարող եք առաջարկել ձեր գաղափարները, նախաձեռնող լինել. ձեզ անպայման կաջակցեն: Դուք ժամանակին կդսևորեք առաջատարի հատկանիշները, կկարողանաք ոգեշնչել շրջապատողներին: Ձեր հետևից պատրաստ կլինեն գնալ նույնիսկ նրանք, ովքեր նախկինում քննադատորեն էին տրամադրված: Չի բացառվում՝ ձեր կողմն անցնեն ոչ վաղ անցյալի մրցակիցները: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Օրվա առաջին կեսը հաջող է: Այն հարմար է և՛ շփումների, և՛ հանգստի, և՛ այն գործերով զբաղվելու համար, որոնց ժամանակը չունեիք: Դուք ուշադիր կլինեք, ոչինչ աչքաթող չեք անի, այդ իսկ պատճառով սխալներ էլ չեք անի: Նոր գաղափարներ կունենաք, որոնց իրագործմանը կանցնեք մոտ ժամանակներս: Երեկոյան դժվար կլինի շրջապատողների հետ լեզու գտնելը, վեճերի առիթներ կստեղծվեն: Բայց դուք կգտնեք բոլոր սուր անկյունները հարթելու և ձեզ համար թանկ մարդկանց հետ լավ հարաբերություններ պահպանելու ձևը: Նշանի որոշ ներկայացուցիչներ կկարողանան հաշտեցնել վիճողներին: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Աշխատեք ոչ ոքի հետ չվիճել: Եթե կարողանաք դա անել, օրը վատ չի դասավորվի: Տարաձայնությունների պատճառներն իրոք շատ կինեն, բայց ավելի հաճախ բանը նրանում կլինի, որ չափազանց սուր կարձագանքեք ձեր հասցեին հնչող քննադատություններին և նույնիսկ հաճոյախոսությունների մեջ քննադատության հատիկներ կգտնեք: Արժե ավելի թեթև վերաբերվել նրան, ինչ ասում են շրջապատողները. դա ձեզ համար էլ օգտակար կլինի: Լավ է զբաղվեք ծանոթ գործերով, որոնք կենտրոնացվածություն ու մանրուքներին ուշադրություն են պահանջում: Դուք չեք շեղվի ու չեք ձանձրանա, սկսածը կիսատ չեք թողնի, քանի դեռ անհրաժեշտ արդյունքի չեք հասել: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԱՂԵՂՆԱՎՈՐ (Sagittarius, 23.XI–21.XII) Հակասական օր է: Առավոտյան ամեն ինչ չէ, որ ուզածի նման հեշտ կտրվի, և երբեմն դուք դժվարությունների կբախվեք այնտեղ, որտեղ դրանց մասին թվում էր, թե ոչինչ չի հուշում: Այստեղ կարևոր կլինի խուճապի չմատնվել ու չհրաժարվել մտածածից: Իրականում հաջողության հասնելու շանսերը մեծ են: Սակայն պետք է նպատակին տանող սեփական ուղին փնտրել, և շրջապատողներն ամեն անգամ ձեր ընտրությունը չեն ողջունի: Օրվա երկրորդ կեսին հնարավորություն կունենաք զրուցել սիրելի մարդու հետ, քննարկել վերջին ժամանակներս ձեզ անհանգստացնող հարցերը: Անկեղծ եղեք, և դա կօգնի փոխհասկացողության հասնել: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՅԾԵՂՋՅՈՒՐ (Capricornus, 22.XII-20.I) Լավ է հետաձգեք կարևոր գործերն ու լուրջ խնդիրների լուծումը: Օրը հարմար է հանգստանալու և ուժերը վերականգնելու համար, իսկ ահա կարևոր հաղթանակներ տոնել հազիվ թե հաջողվի: Չեն բացառվում ձգձգումները գործերում: Հաճախ դրանք կառաջանան ձեր համախոհների սխալների պատճառով: Բարեբախտաբար, դուք ուշադիր կլինեք և կհասցնեք ամեն ինչ ուղղել, քանի դեռ խնդիրներ չեն առաջացել: Հնարավորություն կունենաք շփվել հաճելի մարդկանց հետ: Նոր ծանոթները հետաքրքիր զրուցակիցներ դուրս կգան, բայց չարժե հույս ունենալ, որ նրանք կատարելու են բոլոր այն խոստումները, որոնք հաճույքով տալիս են: Երեկոն հարմար է ընկերների հետ հանդիպելու և սիրային ժամադրությունների համար: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՋՐՀՈՍ (Aquarius, 21.I–19.II) Ինչ-որ անսովոր բան կուզենաք, և այդ ցանկությունը ձեզ չմտածված արարքների կմղի: Հետևանքներն անսպասելի կլինեն, բայց բոլոր դեպքերում արժեքավոր փորձ ձեռք կբերեք ու օգտակար բան կսովորեք: Չի բացառվում՝ անսպասելի պատասխաններ գտնեք հարցերին, որոնց շուրջ վերջերս շատ էիք մտորում: Օրը հարմար է ակտիվ հանգստի, սիրային ուղևորությունների համար: Լավ օր է նաև ժամադրությունների, սիրելիի հետ շփվելու համար. դուք միասին հրաշալի ժամանակ կանցկացնեք: Ապագայի նոր ծրագրեր կհայտնվեն, որոնց իրագործմանը կանցնեք արդեն հաջորդ տարի: ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ՁԿՆԵՐ (Pisces, 20.II–20.III) Հարմար օր է կարևոր գործերի համար: Դուք հնարավորություն կունենաք հաջողության հասնել այնտեղ, որտեղ մյուսներն անհաջողության են հանդիպել: Հնարավոր են հաճելի անակնկալներ, անսպասելի դրամական մուտքեր, ինչպես նաև գործարքներ, որոնք նույնպես նշանակալի եկամուտ կբերեն: Հաճախ դուք հաջողության կհասնեք, քանի որ ձեր ուզածով կգործեք, այլ ոչ թե կգնաք ուրիշի ճանապարհով: Չեն բացառվում ոչ մեծ ընտանեկան տարաձայնությունները: Ընդհանուր գործերի քննարկումը համբերատարություն կպահանջի, իսկ վերջնական որոշումների հարցում լավ է չշտապեք: Երեկոյան կհասկանաք, թե ինչով կարելի է ուրախացնել մտերիմներին: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: |
|
