Աստղագուշակ․ 2023 թվականի հունվարի 23

Բաժիններ: Այսօրվա | Դիտումներ: 1676 | Ավելացրեց: Moder-003  17:00 /22.Января.2023

ԽՈՅ (Aries, 21.III–20.IV)

Եթե ծրագրել եք օրը կարևոր գործերին նվիրել, պատրաստ եղեք դրանցով ինքնուրույն զբաղվել: Նույնիսկ նախկինում ձեզ բազմիցս օգնություն առաջարկած մարդիկ հազիվ թե կարողանան այն ցուցաբերել. պայմաններն անհաջող կդասավորվեն: Սակայն ձեզ համար անհաղթահարելի դժվարություններ չեն առաջանա:

Տանը հոգսեր սպասվածից շատ կլինեն: Չի բացառվում անհապաղ լուծում պահանջեն կենցաղային խնդիրները: Հավանական են չծրագրված ծախսեր: Բայց կլինեն նաև հաճելի անակնկալներ և ուրախության առիթներ: Օրինակ՝ հավանական են հեռվից լավ նորություններ:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՑՈՒԼ (Taurus, 21.IV–21.V)

Օրը հարմար կլինի նոր գործերի, ստեղծագործելու, ինչպես նաև սովորելու և մտավոր աշխատանքի համար: Ձեզ համար կենտրոնանալը հեշտ կլինի. նույնիսկ փոքրիկ մասերը աննկատ չեն մնա: Կարող եք գնումներ անել, այդ թվում՝ խոշոր գնումներ. դուք անսխալ կընտրեք իրեր, որոնք երկար ժամանակ կուրախացնեն:

Չնայած այսօր ձեռք բերած հաջողություններին՝ դուք կարող եք ձեզանից դժգոհ մնալ: Եվ բանը նրանում չի լինի, որ ինչ-որ բան եք բաց թողել կամ ինչ-որ բանում սխալվել եք, պարզապես դուք ինքներդ ձեզ շատ մեծ պահանջներ կներկայացնեք: Մտածեք, թե ինչի համար կարող եք ձեզ գովել. նման բաներն էլ քիչ չեն լինի:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԵՐԿՎՈՐՅԱԿՆԵՐ (Gemini, 22.V–21.VI)

Օրվա համար համարձակ կարևոր գործնական հանդիպումներ ու պատասխանատու բանակցություններ ծրագրեք, քանի որ դրանք սպասվածից լավ կանցնեն: Դուք կհասկանաք, թե ինչ են իրականում ուզում ձեր գործընկերները, նրանք կաջակցեն ձեր գաղափարներն ու իրենք ինչ-որ հետաքրքիր բան կառաջարկեն: Օրը բարենպաստ կլինի նաև գործարքներ կնքելու համար:

Դրական միտումների ազդեցությունը զգալի կլինի նաև անձնական հարաբերություններում: Դուք կզարմանաք, թե ինչ հեշտ է մտերիմների հետ լեզու գտնելը: Վեճերի առիթներ չեն լինի, իսկ ահա ուրախության առիթներ օրը շատ կբերի:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԽԵՑԳԵՏԻՆ (Cancer, 22.VI–22.VII)

Օրը բավական հոգնեցնող կլինի. շատ բան պիտի անեք, և միանգամից պարզ չի լինի, թե ինչի վրա է պետք կենտրոնանալ: Դուք պիտի զբաղվեք ոչ միայն սեփական, այլև ուրիշների գործերով, ուղղեք մյուսների գործած սխալները: Չեն բացառվում անսպասելի լուրերը: Դրանք կարող են ազդել ձեր ծրագրերի վրա:

Չնայած դժվարություններին, որոնք երբեմն առաջ կգան, այսօր դուք շատ բան կհասցնեք: Օրը հաճելի հանդիպումներ ու ծանոթություն է խոստանում մի մարդու հետ, որը շուտով ձեր ամենահուսալի համախոհն ու իսկական ընկերը կդառնա:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Բարդ օր է սպասվում այն Առյուծներին, որոնք կարևոր հանդիպումներ են ծրագրել ու մտադիր են պոտենցիալ համախոհների հետ քննարկել ծրագրերը: Շրջապատողների հետ ընդհանուր լեզու գտնելը սովորականից բարդ է լինելու: Երբեմն ձեզ սխալ կհասկանան նույնիսկ նրանք, ում հետ առաջ հաշտ էիք: Համբերությամբ զինվեք ու պատրաստ եղեք բազմիցս բացատրել ակնհայտ թվացող բաները:

Կուրախացնեն հաճելի անակնկալները, նվերները և ուշադրության նշանները: Չի հիասթափեցնի ռոմանտիկ ժամադրությունը: Մարդիկ, որոնք նախկինում կարողանում էին ինչ-որ կերպ դիմակայել ձեր հմայքին, հիմա գրավված կլինեն ու կուզենան ձեզ ավելի լավ ճանաչել:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4:

ԿՈՒՅՍ (Virgo, 24.VIII–23.IX)

Հաջող օր է ֆինանսական հարցերը լուծելու համար, այդ թվում՝ ամենալուրջ ու կարևոր հարցերը: Այսօր հազիվ թե ինչ-որ մեկը կարողանա շեղել կամ խճճել ձեզ: Հին ծանոթները հրաշալի խորհուրդներ կտան, կօգնեն ճիշտ տնօրինել ունեցած գումարը:

Օրը հարմար կլինի բարդ աշխատանքային առաջադրանքները լուծելու համար: Այստեղ պետք կգան ոչ միայն ձեր գիտելիքներն ու փորձը, այլև մարդկանց հետ լեզու գտնելու, համատեղ գործողությունների մասին պայմանավորվելու ունակությունը: Երեկոն հարմար կլինի հին ընկերներին հանդիպելու համար:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Շրջապատողներից անվերապահ աջակցություն մի սպասեք: Հնարավոր է նրանք պարզապես չկարողանան գնահատել ձեր այսօրվա գաղափարները կամ հասկանալ ձեր արարքների դրդապատճառները: Եթե քննադատություններին հանգիստ վերաբերվեք, ապա դրանցից մեծ օգուտ կքաղեք:

Դուք հրաշալի գլուխ կհանեք նախկինում շատերին փակուղու առաջ կանգնեցրած առաջադրանքներից, քանի որ ձեր ձևով կգործեք, այլ ոչ թե կապավինեք ուրիշի փորձին: Ցանկացած գործի ստեղծագործաբար մոտենալու ունակությունը ձեր առավելությունը կդառնա, կօգնի հաղթել նույնիսկ շատ ուժեղ մրցակիցներին:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿԱՐԻՃ (Scorpius, 24.X–22.XI)

Հույզերը վերահսկելն այսօր սովորականից բարդ է լինելու: Դուք կարող եք անհանգստանալ մի բանի պատճառով, ինչին մեկ ուրիշ ժամանակ ուշադրություն չէիք դարձնի, կվշտանաք դատարկ բաների պատճառով: Որոշ Կարիճների կնյարդայնացնեն անհասկանալի, դանդաղկոտ, չափից դուրս շատ հարցեր տվող ու անտեղի իրենց գործերին խառնվող շրջապատողները:

Բայց եթե դուք կենտրոնանաք կարևոր գործերի վրա, ապա տրամադրությունը կլավանա: Հաջողություններն էլ չեն ուշանա. դուք գլուխ կհանեք նրանից, ինչն առաջ չի ստացվել: Այսօր հավանական են դրամական մուտքեր անսպասելի աղբյուրներից:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՂԵՂՆԱՎՈՐ (Sagittarius, 23.XI–21.XII)

Եկել է հին ծանոթներին, նախկին գործընկերներին ու կոլեգաներին ձեր մասին հիշեցնելու ժամանակը: Չի բացառվում, որ նրանք հետաքրքիր մի բան առաջարկեն կամ աջակցեն ձեր գաղափարները: Կարող եք վերադառնալ հին ծրագրերին, գործերին, որոնք ժամանակին չի հաջողվել ավարտին հասցնել: Այսօր պայմանները բարենպաստ կլինեն, և ձեր մոտ ամեն ինչ կստացվի:

Խնդիրներ չեն առաջանա անձնական հարաբերություններում: Մտերիմների հետ լեզու գտնելը հեշտ կլինի, դուք կգտնեք նրանց ուրախացնելու ձևը, նրանք էլ կփորձեն նույն ձևով պատասխանել: Լավ կանցնի ռոմանտիկ ժամադրությունը: Դուք կմտածեք, թե ինչպես այն անմոռանալի դարձնեք:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՅԾԵՂՋՅՈՒՐ (Capricornus, 22.XII-20.I)

Հաստատակամ եղեք: Հենց դա ձեզ թույլ կտա այսօր շատ գործերում հրաշալի արդյունքների հասնել, գլուխ հանել նրանից, ինչը երկար ժամանակ չի ստացվել, առաջ անցնել հին մրցակիցներից: Լավ կանցնեն գործնական հանդիպումները: Դուք բարենպաստ տպավորություն կթողնեք նույնիսկ նրանց վրա, ովքեր նախկինում կասկածում էին ձեր տաղանդներին:

Հավանական են դրամական մուտքեր: Դրանք կարող են աննշան լինել, բայց շատ տեղին կլինեն, թույլ կտան հաջող գնումներ անել, ուրախացնել մտերիմներին անսպասելի նվերներով, հաճելիորեն զարմացնել սիրելիին:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՋՐՀՈՍ (Aquarius, 21.I–19.II)

Օրը բարենպաստ կլինի գործնական շփումների, աշխատանքային հարցերն ու ծրագրերը քննարկելու համար: Ինտուիցիան կհուշի, թե ում կարող եք դիմել աջակցության կամ խորհրդի խնդրանքով, իսկ ումից է լավ հեռու մնալ: Չի բացառվում՝ ձեզ շահավետ պայմաններով համագործակցություն կամ օգնություն առաջարկեն, որը շատ տեղին կլինի:

Մտերիմների հետ լեզու գտնելը սովորականից բարդ է լինելու: Ընտանեկան տարաձայնություններից ու կենցաղային հարցերի պատճառով վեճերից խուսափել չի ստացվի: Բայց դուք կգտնեք բոլոր սուր անկյունները հարթելու ձևը:

ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։

ՁԿՆԵՐ (Pisces, 20.II–20.III)

Ղեկավարվեք ինտուիցիայով. այսօր նրա հուշումները կօգնեն ձեզ հաջողության հասնել շատ գործերում, անել այն, ինչը մյուսների մոտ չի ստացվել: Հեշտությամբ կտրվի ուսումը: Դուք արագ կմտապահեք ամենը, ինչ պետք է, գլուխ կհանեք բարդ հարցերից: Շատ Ձկների ուրիշի փորձը թույլ կտա խուսափել սեփական սխալներից, ճիշտ ընտրություն անել:

Օրը հազիվ թե առանց փոքրիկ տհաճությունների անցնի, իսկ դրանց պատճառով դուք պետք եղածից շատ կանհանգստանաք: Լավ է կարևոր որոշումներ չընդունեք, հատկապես եթե դրանք վերաբերում են ոչ միայն ձեզ, այլև ձեր մտերիմներին: Իրավիճակը ճիշտ գնահատելու համար ժամանակ է պետք գալու:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

Կարդացեք նաև