Աստղագուշակ․ 2022 թվականի հունվարի 9

ԽՈՅ (Aries, 21.III–20.IV)

Հրաշալի օր է հանդիպումների ու լուրջ զրույցների համար: Ձեզ կհաջողվի արագ շահել նոր ծանոթների համակրանքը, բոլորին համոզել սեփական ճշմարտացիությունը, լեզու գտնել նրանց հետ, ովքեր տհաճությամբ են կապի դուրս գալիս: Կարող եք պայմանավորվել կարևոր բաների, ընդհանուր ծրագրերի և այն հարցերի լուծման մասին, որոնք ոչ ոքի անտարբեր չեն թողնում:

Լավ կանցնեն ուղևորությունները: Հաճախ դրանք կօգնեն նորովի նայել վաղուց ծանոթ իրավիճակին, հասկանալ, թե որտեղ եք սխալներ արել, իսկ ինչում եք ճիշտ եղել: Այսօր հայտնված գաղափարների իրագործմամբ կզբաղվեք մոտ ժամանակներս:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՑՈՒԼ (Taurus, 21.IV–21.V)

Օրը հոգսերով լի կլինի: Ամեն անգամ չէ, որ կկարողանաք սկսածն արագ ավարտին հասցնել, բայց դուք համառ կլինեք, ձեր ծրագրերից չեք հրաժարվի, խոչընդոտների առաջ չեք ընկրկի: Կարող եք հասնել վաղուց դրված նպատակներին, լուծել այն հարցը, որը կարևոր է ձեր ու ձեր մտերիմների համար: Չեն բացառվում դրամական մուտքերը, հաջող գործարքները:

Երեկոն լավ նորություններ ու լուրեր կբերի մարդկանցից, որոնց համար անհանգստանում էիք: Հավանական են անսպասելի հանդիպումներ, որոնց համար շատ ուրախ կլինեք: Եթե մտերիմներից մեկի հետ վիճել եք, հաշտվելը, անհասկացողությանը վերջ տալը դժվար չի լինի:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԵՐԿՎՈՐՅԱԿՆԵՐ (Gemini, 22.V–21.VI)

Անհանգիստ օր է: Շատ բան պիտի հասցնեք, հանգստի համար ժամանակ քիչ կունենաք: Մի փորձեք ամեն ինչ ինքնուրույն անել. ձեր կողքին կլինեն մարդիկ, որոնք պատրաստ կլինեն օգնել կամ լավ խորհուրդ տալ: Օգտակար կլինի ծրագրերը քննարկելը, գաղափարներով կիսվելը: Նման զրույցները թույլ կտան հասկանալ, թե ինչպես է լավ իրագործել մտածածը:

Դուք կնկատեք այն, ինչին նախկինում ուշադրություն չեք դարձրել ու ճիշտ եզրահանգումներ կանեք: Դա թույլ կտա խուսափել սխալներից, հակասական արարքներից: Դուք լավ լեզու կգտնեք մտերիմների հետ, նրանց կես խոսքից կհասկանաք: Կարող եք քննարկել նույնիսկ ամենաբարդ հարցերը՝ առանց վախենալու տարաձայնություններից:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 4։

ԽԵՑԳԵՏԻՆ (Cancer, 22.VI–22.VII)

Բարդ ու հետաքրքիր գործերի, հաճելի զբաղմունքների օր է, որոնք բացարձակապես չեն հոգնեցնի: Ձեզ հաճույքով կընկերակցեն հին ընկերներն ու մյուս մտերիմները, այնպես որ՝ չեք ձանձրանա: Հին ծանոթների հետ անսպասելի հանդիպումը կուրախացնի: Հնարավոր է՝ հենց դրա շնորհիվ էլ հասկանաք, թե ինչպես կարելի է հասնել վաղուց դրված նպատակներին:

Դուք հեշտությամբ նոր բան կսովորեք, շատ բան ոտքի վրա կյուրացնեք, կմտապահեք այն ամենը, ինչը կարող է պետք գալ: Օրվա երկրորդ կեսը պիտանի ծանոթությունների ժամանակ է: Դուք շատերի վրա կկարողանաք լավ տպավորություն թողնել: Ձեր ուժեղ կողմերը կնկատեն նույնիսկ նրանք, ովքեր սովորաբար շրջապատողների հանդեպ քննադատորեն են տրամադրված:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՌՅՈՒԾ (Leo, 23.VII–23.VIII)

Ստիպված եք լինելու միաժամանակ մի քանի գործով զբաղվել, բայց դա ձեզ ամենևին չի հոգնեցնի: Ինտուիցիան կհուշի, թե ինչի վրա արժե կենտրոնանալ, դուք ոչինչ չեք մոռանա ու իրար չեք խառնի: Կհաջողվի օգնել նրանց, ովքեր բարդ իրավիճակում են հայտնվել: Ձեր ջանքերի շնորհիվ կլուծվեն նախկինում մտերիմներին փակուղու առաջ կանգնեցրած հարցերը:

Բարենպաստ օր է ոչ մեծ ուղևորությունների համար, որոնք վառ տպավորություններ կպարգևեն: Ճանապարհին հնարավոր են ծանոթություններ, հանդիպումներ, որոնք երկար կհիշվեն: Չի բացառվում ռոմանտիկ պատմության սկիզբը: Նոր հարաբերությունները արագ կզարգանան, և դա ձեզ դուր կգա:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿՈՒՅՍ (Virgo, 24.VIII–23.IX)

Հարմար օր է կարևոր հանդիպումների և այն մարդկանց հետ շփվելու համար, որոնց հանդեպ անտարբեր չեք: Կհաջողվի հանգիստ քննարկել այն հարցերը, որոնց պատճառով նախկինում տարաձայնություններ են առաջացել, հաշտվել այն մարդկանց հետ, որոնց հետ վիճել էիք: Անսովոր գաղափարներ կունենաք: Դրանց իրագործման վրա կարող եք կենտրոնանալ մոտ ժամանակներս:

Սովորականից հաճախ պիտի խառնվեք ուրիշների գործերին: Դուք դա նրբանկատորեն կանեք, նույնիսկ ամենազգայուն մարդիկ վիրավորվելու առիթներ չեն գտնի: Օրվա երկրորդ կեսը հնարավորություն կտա լուծել ֆինանսական հարցերը, որոնց պատճառով ապրումներ շատ եք ունեցել:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԿՇԵՌՔ (Libra, 24.IX–23.X)

Այսօր պատասխաններ կստանաք բարդ հարցերին, որոշումներ կընդունեք, որոնք ձեր կյանքը դեպի լավը կփոխեն: Ինտուիցիան շատ ուժեղ կլինի, նրա վրա ամեն հարցում կարող եք հույս դնել: Հազիվ թե ինչ-որ մեկը կարողանա խճճել ձեզ կամ շեղել, մոլորության մեջ գցել: Դուք կտարբերակեք լավ խորհուրդները վատերից, նույնիսկ փոքրիկ սխալներ չեք անի:

Կուրախացնեն երևակայություն պահանջող զբաղմունքները, որոնք թույլ են տալիս սովորական բաներին նոր կողմերից մոտենալ: Կարող եք վերադառնալ հին նախասիրությանը, որը կրկին դրական հույզեր կպարգևի: Որոշ Կշեռքներ անսպասելի կիրառում կգտնեն իրենց տաղանդներին:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

ԿԱՐԻՃ (Scorpius, 24.X–22.XI)

Գործերին լուրջ մոտեցումը թույլ կտա խուսափել նույնիսկ մանր-մունր սխալներից: Հաջողությամբ կլուծվեն ֆինանսական հարցերը, որոշ Կարիճներ եկամուտները մեծացնելու եղանակ կգտնեն: Օգտակար կլինի ևս մեկ անգամ ապագայի ծրագրերը մտածելը. պարզ կդառնա, թե ինչպես ավելի հեշտ կյանքի կոչել դրանք:

Տանը հոգսեր սովորականից շատ կլինեն: Չի բացառվում օրվա երկրորդ կեսին պետք լինի զբաղվել կենցաղային խնդիրների լուծմամբ: Դա ժամանակատար չի լինի, եթե ինքներդ ամեն ինչ չբարդացնեք:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՂԵՂՆԱՎՈՐ (Sagittarius, 23.XI–21.XII)

Հրաշալի օր է ձեր գաղափարների ու ծրագրերի մասին պատմելու համար: Սկզբում դրանք կարող են շրջապատողներին չափազանց համարձակ թվալ, բայց շուտով բոլորի համար պարզ կդառնա, որ մտածածն իրագործել հնարավոր է: Կարևոր կլինի ժամանակը զուր չվատնելը: Մտածեք՝ արդյոք չարժե անհապաղ գործել:

Հավանական են հաճելի ծանոթություններ: Դուք ունակ կլինեք դուր գալ նույնիսկ ամենապահանջկոտ մարդկանց, նրանց, ովքեր ուրիշների մեջ միայն թերություններ են տեսնում: Հնարավոր է ընկերական կամ ռոմանտիկ հարաբերությունների սկիզբ: Ինտուիցիան անպայման կհուշի, թե ինչպես պետք է պահեք ձեզ, որպեսզի դրանք ներդաշնակ դասավորվեն:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ԱՅԾԵՂՋՅՈՒՐ (Capricornus, 22.XII-20.I)

Հրաշալի օր է ուսման, տեղեկատվություն հավաքելու ու վերլուծելու համար: Դուք արագ գլուխ կհանեք բարդ հարցերից, միանգամից կմտապահեք ամենն, ինչ կարող է պետք գալ: Նոր գիտելիքները մոտական օրերին օգտակար կլինեն, դրանց շնորհիվ մրցակիցներին հետևում կթողնեք:

Լավ է հյուրեր ընդունեք: Արժե հրավիրել մարդկանց, որոնց հետ կուզենայիք հարթել հարաբերությունները. դա անելը դժվար չի լինի: Հավանական են անսպասելի նվերներ, անակնկալներ և ուշադրության նշաններ: Տրամադրությունը կբարձրացնեն հին ծանոթների հետ զրույցները: Կարող եք վերականգնել հին կապերը:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՋՐՀՈՍ (Aquarius, 21.I–19.II)

Բարենպաստ օր է շփումների համար: Դուք լավ կհասկանաք շրջապատողներին, հաճախ կկռահեք, թե ինչ կա նոր ծանոթների հոգում: Կհաջողվի օգնել նրանց, ովքեր բարդ իրավիճակում են հայտնվել, և դա ձեզ կուրախացնի: Հավանական են դրական փոփոխություններ վերջին շրջանում լարված հարաբերություններում, որոնք ստիպում էին հուզվել:

Արժե զգույշ լինել գումարի հետ. այսօր հակված կլինեք որոշակի թեթևամտության, մեծ գումար կծախսեք դատարկ բաների վրա: Մի շտապեք գնումների հարցում, հատկապես եթե խոսքը այնպիսի իրերի մասին լինի, որոնց կարիքը չունեք:

ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։

ՁԿՆԵՐ (Pisces, 20.II–20.III)

Հարմար օր է լուրջ գործերի համար: Դուք ուշադիր կլինեք, ոչ մի բան ձեր աչքից չի վրիպի, դուք միշտ կգտնեք սկսածն ավարտին հասցնելու ձևը: Այնտեղ, որտեղ մյուսների մոտ ոչինչ չի ստացվել, դուք հրաշալի արդյունքների կհասնեք: Դա ջանքեր կպահանջի, բայց դուք պատրաստ կլինեք դրանք գործադրել, քանի որ կիմանաք, որ դա պետք է:

Հավանական են անսպասելի ու շատ հաճելի հանդիպումներ: Որոշ Ձկներ կկարողանան ժամանակ անցկացնել մարդկանց հետ, որոնց վերջին ժամանակներս կարոտում էին: Եթե երկար ժամանակ չէիք կարողանում ընդհանուր լեզու գտնել, արժե ևս մեկ փորձ ձեռնարկել. այսօր ձեզ մոտ ամեն ինչ կստացվի:

ԲԻԶՆԵՍԸ՝ 5, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5:

Որոնել