Հնդկացիների Հորոսկոպ
| |
| Բաժին: Հին աշխարհ | Դիտումներ: 6226 | 20:00 | |
Հնդկացիների հորոսկոպում բոլոր նշաններն ունեն կենդանիների անուններ: Դա պայմանավորված է նրանով, որ հնդկացիների համոզմունքով յուրաքանչյուր մարդ ունի հարազատական որոշակի կապ՝ կոնկրետ կենդանու տեսակի հետ և դա կախված էր մարդու ծննդյան թվից։ Ջրասամույր: 20.01-18.02: Ջրասամույրի նշանի տակ ծնված մարդիկ սովորաբար տարօրինակ են և հակված են անբնական վարքագծի: Դրա համար նրանց դժվար է հասկանալ: Իսկ եթե նա զբաղվի ստեղծագործական աշխատանքով, ապա կարող է շատ լավ արդյունք ստացվել: Ջրասամույրը նայում է աշխարհին անսովոր ձևով, դրա հետ մեկտեղ՝ նա ունի փայլուն երևակայություն և ինտելեկտ: Ջրասամույրը կարող է դառնալ ուշադիր և հոգատար ընկեր: Գայլ: 19.02-20.03: Գայլը խորը էմոցիոնալ և տարվող մարդ է: Գայլն ամենից շատ գնահատում է սերը, և նա նույնպես կարող է իսկապես սիրել: Գայլը կրքոտ, առատաձեռն և քնքուշ սիրեկան է: Բայց եթե նրան մերժեն՝ կարող է դառնալ չափազանց կպչուն և վրիժառու: Բազե: 21.03-19.04: Բազեն, լինելով ի ծնե առաջնորդ, դժվար պայմաններում միշտ գտնում է իդեալական որոշումներ: Բազեներից կարող են լավ բիզնեսմեններ ստացվել: Բազեն կարող է նախաձեռնությունն իր վրա վերցնել: Շատ հաճախ նրանց անվանում են մեծամիտ: Կուղբ: 20.04-20.05: «Վերցրու քեզ վրա պատասխանատվությունը, հարմարվիր պայմաններին, հաղթահարիր ինքդ քեզ և փրկիր բոլորին». այսպիսին է Կուղբի կարգախոսը: Կուղբերն իդեալական վարձու աշխատողներ են, բայց կարող են լինել նաև լավ ղեկավարներ, քանի որ ունեն ստրատեգիական միտք և դիմացկունություն: Պրոբլեմները սկսվում են այն ժամանակ, երբ նրանք տարվում են ինչ-որ բանով` իմանալով նույնիսկ, որ դրանից ոչինչ չի ստացվի: Ապրելով նրա հետ, սովորեք, որ նա միշտ «ճիշտ է»: Եղնիկ: 21.05-20.06: Հնդկացիների մոտ Եղնիկն ասոցիացվում է «մուսայի» հետ: Եղնիկը ոգեշնչում է մարդկանց իր հնարամտությամբ: Նրանք կարող են ծիծաղեցնել յուրաքանչյուրին: Փայտփորիկ: 21.06-21.07: Փայտփորիկներն ամենադաստիարակված և նրբանկատ մարդիկ են: Նրանք միշտ Ձեր կողքին են, երբ Ձեզ աջակցություն է հարկավոր: Փայտփորիկները հրաշալի ծնողներ են, ընկերներ և գործընկերներ: Նրանք համեստ են, հնարամիտ և կազմակերպված: Բայց եթե նա չի մեծանում սիրո մթնոլորտում, նա կարող է դառնալ նյարդային և խանդոտ սեփականատեր: Սաղմոն: 22.07 - 21.08: Սաղմոնի կյանքն արկած է, և դա նրանից է, որ այս նշանի տակ ծնված մարդիկ աներևակայելի էներգիա ունեն: Օպտիմիստ են: Աշխատել Սաղմոնի հետ մի թիմում` հաճույք է: Նա խելոք է, հնարամիտ և կարող է էնտուզիազմով վարակել բոլորին: Եթե նա մեծանա վատ ընտանիքում, ապա կդառնա էգոիստ և գռեհիկ: Արջ: 22.08 – 21.09: Պրագմատիկ Արջը միշտ կարծում է, որ կարգուկանոնի համար «պինդ ձեռք» է հարկավոր: Հրաշալի գործընկեր է բիզնեսում, խելամիտ է և տրամաբանող: Այնուհանդերձ, Արջերը սովորաբար համեստ են և մի քիչ ամաչկոտ: Լինում են լավ ուսուցիչներ և դաստիարակներ: Եթե Արջը ճիշտ չդաստիարակվի, կդառնա մանրախնդիր, թերահավատ ճգնավոր: Ագռավ: 22.09 – 22.10: Սովորաբար Ագռավներն ունենում են շատ էնտուզիազմ, դրա համար էլ նրանք ի ծնե գործարարներ են: Ագռավները մտքի և կարծիքի մարդիկ են: Նրանք լինում են լավ քաղաքական գործիչներ: Ագռավները կարողանում են ասել ճիշտը` առանց վիրավորելու, չեն տանում կեղծիքը և շատ համբերատար են: Եթե Ագռավները ծանր մանկություն են ունենում, ապա մեծանում են՝ որպես հիշաչար և վրիժառու մարդիկ: Օձ: 23.10 – 22.11: Այս նշանի տակ ծնվել են գրեթե բոլոր շամանները: Նրանցից հաճախ ստացվում են հոգևոր առաջնորդներ: Օձը սիրում է, երբ իրեն հարգում են: Օձերի մեջ շատ կան բժիշկներ: Երբեք չեն սիրում զբաղվել ֆինանսներով: Ցավոք սրտի, այս մարդիկ հաճախ ընկճված են, հակված են բռնության և տրամադրության աննորմալ փոփոխությունների: Բու: 23.11 – 21.12: Բուն գրեթե միշտ դաժան և թեթևամիտ մարդ է: Արկածների ձգտումը Բուին դարձնում է լավ որսորդ, պաշտպան, զինվոր, հրշեջ, էկոլոգ և հասարակական ակտիվիստ: Դաստիարակված և երջանիկ Բուն զգայուն է և էնտուզիազմով լի: Իսկ եթե նա հոգեբանական վնասվածք է ստանում, դառնում է դեպրեսիվ և ագրեսիվ: Սագ: 22.12 – 19.01: Եթե ցանկանում եք ինչ-որ ամբիցիոզ ծրագիր իրականացնել, ապա դա արեք Սագի հետ: Նա կլինի համառ և կհասնի իր առջև դրված նպատակներին: Սագերը լինում են լավ բիզնեսմեններ և սպորտսմեններ: Նրանք կարողանում են լինել ուշադիր ընկեր և հոգատար ծնող: |
|
