Աստղակերպի ամենահետաքրքրասեր նշանները
| |
| Բաժին: Աստղակերպ | Դիտումներ: 3439 | 15:00 | |
Աստղակերպի ամենահետաքրքրասեր նշաններն են Ձկները, Կարիճներն ու Ջրհոսները: Ձկներն իրենց հատուկ հուզականության ուժով մշտապես հետաքրքրվում են, թե ինչ է այնտեղ, անկյունում. գուցե սիրելին անակնկա՞լ է պատրաստել: Ձկները, ճիշտ է, մի քիչ վախկոտ են, բայց հետաքրքրասեր են: Նրանց դժվար է նվերներ անելը, միշտ փորձում են այն հանձնելուց առաջ ամեն ինչ իմանալ: Չեն կարողանում համբերել, տառապում են սպասումներից, հետաքրքրասիրությունը խեղդում է նրանց: Կարիճների հետաքրքրասիրությունը խիստ տարբերվում է Ձկներինից: Կարիճների համար կարևոր է իմանալ, թե ով, երբ և ինչու է գնացել կամ եկել: Նրանք սիրում են ամեն ինչ վերահսկել, ամեն ինչից տեղյակ լինել: Այսինքն՝ այս մարդու հետ մի հարկի տակ ապրելու դեպքում պետք է պատրաստ լինեք հաշվետվություն տալ՝ այսօր այստեղ եմ եղել, սա եմ գնել, այս մարդուն եմ հանդիպել և այսպես շարունակ: Կարիճները հարցեր տալ սիրում են: Ջրհոսները ամենահետաքրքրասերների շարքում են հայտնվել մի պատճառով՝ նրանք ուզում են ամեն ինչ իմանալ ու սովորել: Միայն ոչ թե անձնական առումով, այլ՝ գլոբալ: Նրանք հետաքրքրվում են տեխնոլոգիական նորություններով, բրենդների նոր առաջարկներով, ճամփորդությունների տուրերով, ֆիլմերի պրեմիերաներով և այդպես շարունակ: Պարզապես Ջրհոսները սիրում են զարգանալ ու ժամանակին համընթաց քայլել: |
|
Նմանատիպ նյութեր