Աստղագուշակ․ օգոստոսի 25
| |
| Բաժին: Այսօրվա | Դիտումներ: 1949 | 17:00 | |
ԽՈՅ (Aries, 21.III–20.IV) Հաջողության հասնելն ամեն անգամ հեշտ չի լինի, բայց, բարեբախտաբար, կողքին կլինեն մարդիկ, որոնց կարող եք դիմել դժվար պահին: Նրանց շնորհիվ սկսած գործերն ավարտին կհասցնեք, գլուխ կհանեք նրանից, ինչն առաջ ձեր ուժերի սահմաններում չի եղել: Համառությունը կարևոր կլինի կյանքի բոլոր ոլորտներում. հենց դրա շնորհիվ կլուծեք աշխատանքային խնդիրներն ու կկարողանաք հասնել վաղուց դրված նպատակներին: Նոր գաղափարներ կունենաք, որոնք կուզենաք անհապաղ կյանքի կոչել: Զգույշ եղեք, քանի որ չմտածված քայլերը լուրջ կորուստների կարող են հանգեցնել: Խորհրդակցեք նրանց հետ, ում վստահում եք: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ՑՈՒԼ (Taurus, 21.IV–21.V) Օրը հանգիստ կսկսվի: Նրա առաջին կեսին հազիվ թե ինչ-որ բան խախտի ձեր պլանները կամ ինչ-որ մեկը խառնվի ձեր գործերին. դուք կարող եք իրագործել այն, ինչ մտածել եք: Որոշ Ցուլեր իրադարձությունների հաջող ընթացքի շնորհիվ շահավետ գործարքներ կկնքեն կամ եկամուտների նոր աղբյուր կգտնեն: Ավելի ուշ հավանական են լավ նորություններ ու հաճելի անակնկալներ, ինչպես նաև հանդիպումներ, որոնց համար շատ ուրախ կլինեք: Գործնական ակտիվությունն աստիճանաբար կնվազի, երեկոյան դժվարությամբ կկենտրոնանաք գործերի վրա: Փոխարենը կարող եք լավ հանգստանալ, հաճույք ստանալ մտերիմների հետ շփումներից: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԵՐԿՎՈՐՅԱԿՆԵՐ (Gemini, 22.V–21.VI) Դուք էներգիայով լի ու վճռական կլինեք, լավ կիմանաք, թե ինչի եք ուզում հասնել ու չեք հրաժարվի մտածածից, նույնիսկ եթե ինչ-որ բան այնպես չընթանա: Համառությունը կօգնի հաջողության հասնել այնտեղ, որտեղ մյուսները պարտություն են կրել: Սակայն որոշ խոչընդոտների առաջ ավելի լավ կլիներ ընկրկեիք, քան փորձեիք հաղթահարել դրանք: Լսեք ինտուիցիայի ձայնին. այն կհուշի, թե երբ է պետք կանգ առնել: Մտերիմները սովորականից հաճախ ձեր օգնության ու աջակցության կարիքը կունենան: Բայց դուք միշտ չէ, որ պատրաստ կլինեք հետաձգել սեփական գործերը ուրիշի բարեկեցության ու հոգեկան հավասարակշռության մասին հոգ տանելու համար: Դրա պատճառով երբեմն լարված պահեր կառաջանան: ԲԻԶՆԵՍԸ՝ 5, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ԽԵՑԳԵՏԻՆ (Cancer, 22.VI–22.VII) Օրվա սկզբին աշխատեք չտխրել ու չանհանգստանալ: Դա բարդ ժամանակահատված է լինելու, բայց ձեր ուժերի սահմաններում կլինի տխրությանը չտրվելը: Ձեզ լավ ընկերակցություն ու հետաքրքիր գործ է պետք. միայնությունն ու անգործությունը մռայլ մտքեր կբերեն: Օգտակար կլինի հին նախասիրության մասին հիշելը կամ համարյա մոռացված գիտության ուսումնասիրությանը վերադառնալը: Օրվա երկրորդ կեսը հաճելի ու ոչ այնքան հաճելի իրադարձություններով հագեցած կլինի: Դուք պետք է ինքնուրույն լուծեք խնդիրները, հետո պատասխան գտնեք այն հարցին, որը երկար ժամանակ անհանգստացնում էր ձեր մտերիմներին: ԲԻԶՆԵՍԸ՝ 4, ՍԵՐԸ՝ 5, ԱՌՈՂՋՈՒԹՅՈՒՆԸ՝ 5։ ԱՌՅՈՒԾ (Leo, 23.VII–23.VIII) Դուք նյարդային ու անհամբեր կլինեք, հաճախ կբարկանաք այն մարդկանց վրա, ովքեր մեղավոր են միայն նրանում, որ ձեզ կես խոսքից չեն հասկացել: Այդպիսի պահերին կոնֆլիկտներից խուսափելը բարդ կլինի: Աշխատեք ձեզ զուսպ պահել. դա կօգնի չվիրավորել ձեզ համար թանկ մարդկանց: Ավելի լավ է չքննարկեք այն հարցերը, որոնց պատճառով նախկինում տարաձայնություններ են ծագել, այլ բավարարվել շեղող թեմաներով զրույցներով: Հավանական է հաջողություն այն գործերում, որոնք երևակայություն ու ստեղծագործ մոտեցում են պահանջում: Դուք անկեղծորեն կուրախանաք, երբ հաջող գաղափարներ հայտնվեն: Բայց միանգամից չեն հայտնվի մարդիկ, ովքեր կաջակցեն ձեր նախաձեռնություններին: Բայց դուք ինքներդ էլ ամեն ինչից գլուխ կհանեք: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5:
ԿՈՒՅՍ (Virgo, 24.VIII–23.IX) Օրվա սկիզբը ոչ միանշանակ կլինի: Դուք կարող եք հաջողության հասնել, եթե դատարկ բաների պատճառով չվշտանաք, չսկսեք հուզվել, եթե ինչ-որ բան այնպես չընթանա: Բայց հանգստություն պահպանելը բարդ կլինի, իսկ շրջապատողները հաճախ պրովոկացիայի կենթարկեն ձեզ, կփորձեն հանել հավասարակշռությունից: Ժամանակի ընթացքում դրական միտումների ազդեցությունը կաճի, ձեզ ավելի վստահ կզգաք: Հաջող կլուծվեն աշխատանքային հարցերը, որոնք վերջին շրջանում անհանգստացնում էին ձեզ: Հնարավորություն կունենաք զրուցել մարդկանց հետ, որոնցից կախված է ձեր կարիերայի զարգացումը: Հաճախ նման զրույցները արդյունավետ կանցնեն ոչ ֆորմալ միջավայրում: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5։ ԿՇԵՌՔ (Libra, 24.IX–23.X) Օրը լուրջ խնդիրներ չի բերի, բայց հաճախ փոքրիկ թյուրիմացություններ կառաջանան, որոնք կշեղեն ձեզ: Դրանց պատճառով հավանական են ձգձգումներ գործերում, կարող են խախտվել պայմանավորվածությունները, որոնց մեծ դժվարությամբ եք հասել: Որոշ Կշեռքներ կանհանգստանան նրանից, որ չեն կարողացել պահել ընկերներին տված խոստումները: Ավելի լավ է խոշոր գնումներ չանեք, եթե դրանք նախապես չեք պլանավորել: Ընդհանրապես, ցանկացած ֆինանսական հարցի պետք է առավելագույնս զգույշ մոտենաք: Հույս մի ունեցեք, որ կհաջողվի հեշտությամբ մեծացնել եկամուտները: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 5: ԿԱՐԻՃ (Scorpius, 24.X–22.XI) Բարենպաստ օր է: Այն հազիվ թե լուրջ խնդիրներ կամ տարաձայնություններ բերի, որոնք չհաջողվի հաղթահարել: Այն իրավիճակներում, որտեղ մյուսները խուճապի կմատնվեին, դուք ճիշտ որոշումներ կընդունեք, նպատակին տանող միակ ճիշտ ուղին կընտրեք: Հաճախ պարզապես հաջողակ կլինեք, և հենց դրա շնորհիվ կհասնեք հրաշալի արդյունքների: Չի բացառվում՝ հենց այսօր կարողանաք առաջ անցնել ձեր հին մրցակիցներից: Հնարավոր են դրամական մուտքեր ու շահավետ գործարքներ: Չնայած գործեր սովորականից շատ կունենաք՝ ժամանակ կմնա նաև հաճելի հանգստի համար: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ԱՂԵՂՆԱՎՈՐ (Sagittarius, 23.XI–21.XII) Վաղ արթնացեք, քանի որ առավոտը օրվա ամենահաջող հատվածն է լինելու: Մինչև կեսօր կարող եք շատ բան հասցնել, եթե ժամանակը զուր չվատնեք: Հատկապես լավ կտրվեն այն գործերը, որոնցում պետք է ոչ թե օգտվեք փորձված մեթոդներից, այլ նպատակին տանող սեփական ուղին փնտրեք: Ավելի ուշ կգա զրույցների ու վեճերի ժամանակը, ձեզ հազիվ թե թույլ տան կենտրոնանալ ինչ-որ օգտակար բանի վրա ու ավարտին հասցնել սկսածը: Մտերիմների հետ անհասկացողությունից խուսափելը բարդ կլինի: Հաճախ նրանք ձեզ քննադատորեն կգնահատեն, աջակցելու փոխարեն ցույց կտան թույլ կողմերը: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ԱՅԾԵՂՋՅՈՒՐ (Capricornus, 22.XII-20.I) Աշխատեք դատարկ բաների պատճառով չանհանգստանալ: Այսօր շատ բան կախված կլինի հենց նրանից՝ արդյոք ձեզ կհաջողվի հոգեկան հավասարակշռություն պահպանել ու ոչ միանշանակ իրավիճակում կշռադատված որոշումներ ընդունել: Հույզերի ազդեցության տակ հեշտությամբ կսխալվեք: Երիտասարդ Այծեղջյուրների համար դժվար կլինի առողջ բանականության ձայնին հետևելը: Ընթացիկ գործերից վատ գլուխ չեք հանի, իսկ ահա նոր բան ստանձնելն անցանկալի է: Կուզենաք հնարավորինս արագ հաջողության հասնել, իսկ դա չմտածված արարքների ու սխալների կհանգեցնի: Ձեր սխալները աննկատ չեն մնա, ինչն էլ ավելի տհաճ կլինի: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ՋՐՀՈՍ (Aquarius, 21.I–19.II) Իրավիճակը բարդ ու ոչ միանշանակ կլինի: Ցանկալին իրականության տեղ կընդունեք, կտրվեք պատրանքներին ու լուրջ սխալներ կանեք: Լսեք նրանց, ում կարծիքը տարբերվում է ձերինից. հենց այդ մարդկանցից հիմա օգտակար բաներ կիմանաք: Իսկ ահա հաճոյախոսությունները կարող եք ականջի հետև գցել. դրանցից հիմա օգուտ չի լինի: Հավանական են ֆինանսական դժվարություններ: Դրանք ժամանակավոր բնույթ կկրեն, բայց հիմա ավելի լավ է կրճատեք ծախսերը, հրաժարվեք չպլանավորված գնումներից: Օրվա երկրորդ կեսին չեն բացառվում անսպասելի այցերը, որոնք կստիպեն փոխել պլանները: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4։ ՁԿՆԵՐ (Pisces, 20.II–20.III) Օրվա սկիզբը հաջող կդասավորվի, բայց ոչ այնպես, ինչպես դուք էիք ակնկալում: Որոշ Ձկների կնյարդայնացնի պլանները փոխելու ու նոր որոշումներ ընդունելու անհրաժեշտությունը: Նշանի ներկայացուցիչները կնախընտրեին գործել այնպես, ինչպես սովոր են, բայց հիմա լրիվ այլ բան կպահանջվի: Իրավիճակի մեջ կողմնորոշվելու համար ձեզ ժամանակ է պետք: Օրվա երկրորդ կեսը լավ նորություններով լի կլինի: Չի բացառվում՝ հնարավորություն ունենաք հասնել այն նպատակին, որին նախկինում լուրջ չէիք ձգտում: Կարևորը հավատաք ձեզ ու չվախենաք գործել ոչ այնպես, ինչպես մյուսները: ԲԻԶՆԵՍԸ՝ 4, ՍԵՐԸ՝ 4, ԱՌՈՂՋՈՒԹՅՈՒՆԸ՝ 4: |
|
